رسالة من الأدمن Jounex ✨ ~.~ #تم_التحديث


exo_chanyeol_luckyone_by_bornto_i-dafcrb5

 

هاااي إيري’ز !~

؛؛؛

أمممم صار لي فترة ما أنزل لكم مقالات صح؟ يمكن أسبوع أو أقل ~أحسني قاعدة أبالغ~

المهم ..

أنا ما قلت لباقي الأدمنز إني بنزل “رسالة” فــ آسفة ، لأني ما أتواصل معاهم غير هنا !

بس ملاحظة للأدمنز العزيزات :

عندي حساب في تويتر @ijowwn_ ضيفوني عليه عشان أقدر أرسلكم ع الخاص أحياناً -ترى ما أستعمل تويتر حالياً بس الحساب قديم-

نرجع للمهم ،

آآه عندي خبر مش حلو كثير .. 

دراستي

بدأت

من جديد

اليوم كان أول يوم

….

تعرفون معناة هالشي صح؟ يعني راح أضطر أغيب فترة وما أرجع غير بين فترة وفترة -يعني من أسبوع لأسبوع-

اليوم قلت بما إني أخيراً فضيت بعد ترتيب كتبي وشنطتي راح أكتب لكم هالرسالة..

صعب ؟ أعرف والله ثاني عشر همم الهمم

وعاد نحن من بكرة باديين الجد..

– بسي سوالف –

….

طبعاً أتوقع ماراح أنقطع عن المدونة بس بتنزل مقالاتي متأخر ونادراً ما حترجم

عشان كذا بقولكم كل سنة وأنتوا طيبين وان شاء الله 2017 تمر علينا وعليكم بخير وسعادة واكسو يصنعون انجازات اكثر …

وكيب فايتينغ ~.~

أحبكم

 

——

هلـآ .. !~

اشتقت لكم أظن مر اكثر من أسبوع على غيابي وإنتوا اكيد زعلانين وأعرف مشتاقين لي -واثقة من نفسها-

طبعاً أنا بعد زعلانة موت ومشتاقة لكم واااايـد :”(

للأسف ما عندي لكم خبر حلو أو شي انتوا كان ممكن تتوقعونه

بالعكس..

أمي العزيزة سحبت اللابتوب والتاب مالي :””((

يعني ماراح أقدر أوفي بوعدي وأنزل لكم بشكل أسبوعي …

طبعاً إذا عندكم فضول عن الموضوع كله بسبب الشهادة..

الثلاثاء الماضي عطونا شهادة الفصل الأول وكانت نسبتي 87 بس نزلت في الرياضيات وجبت 65 من 100

:(( والله ما استاهل،، المجلس حسب نسبة كبييرة من امتحان الفصل ونسبة صغيييرة من درجات تقوي الفصل والنتيجة انه 15 بالمية من طلاب ابوظبي هم فقط الناجحين والباقي رسوب -امتحان الفيزياء والرياضيات والكيمياء كانوا يصيحون مررة صعب-

المهم ؛؛

طبعاً إذا تسألون كيف سويت هالتحديث؟ أمي راحت توصل اخوي لعزاء صديقة للأسف توفى -الله يرحمه- فقلت دام اني فاضية أنزل لكم التحديث هذا وأطمنكم عشان ما تظلون تفكرون انه صار شي أو كذا..

الجانب الإيجابي في الموضوع إني راح أحاول اشد نفسي عشان اجيب نسبة مرتفعه هالمرة -كانت نسبتي في التقويم 91 ونزلت الى 87 بعد الامتحانات وحساب الدرجات-

#ظلم_مجلس_أبوظبي_للتعليم إذا شفتوا هالهاشتاق من قبل ترى هذا السبب في انه لابتوبي مسحوب!! كله منهم هالمجلس مايريدون حد ينجح يبون يرسبون الطلبة الظاهر..

بشتاق لكم ان شاء الله امي ترضا عني وترجع اللابتوب أو على الأقل ألقى لحظان نفس اليوم يمكن أقدر أدخل وأترجم، ويكم احتمال إذا قدرت راح احاول احيانا استغل البريك (فسحة) في المدرسة أروح للاب وأترجم بس للأسف الصور هناك ماتفتح -حظر- هه على كلٍ يصير خير

خلوني أروح قبل لا تجي أمي وتشوفني قاعدة على اللابتوب أخاف تذبحني هههه

أشوفكم وأترجم لكم ع خير إن شاء الله ^.–

——

7 تعليقات على “رسالة من الأدمن Jounex ✨ ~.~ #تم_التحديث

  1. إذا شفتوا أخطاء املائية ترى اسفه بس ماعندي وقت حتى اني اعدلهم هههههههههه
    وبخصوص التعليقات اللي “كانت” فوق .. أنا شفتها كلها وقريتها وحبيتها والله انكم كيوت .. بس آسفه مسحتها ع أساس تعلقون ع التحديث الجديد وما ألاقي لخبطة بين التعليقات الاولية .. راح أحاول مرة ثانية ما أسوي كذا .. 3>

    أعجبني

  2. هلااااااا حبيبتي جنة شحالج إن شاء الله تمام ؟؟
    حبيبتي والله اشتقنالچ جد وكنت بعلق مره ثانيه اسألج عن شو سويتي في الشهاده بعد ماسمعت هالضجه …
    الحممممدلله مبروكه النسبه ، بصراحه انا اشوف انچ مانزلتي وايد ماشاء الله عليچ ، بس شدي حيلچ في الفصل هذا واللي بعده وإن شاء الله بتاخذين نسبه فوق 90 يااارب ، جد والله شي حلو وايد انچ مانزلتي وايد ، صح انچ بغيتيها فوق التسعين لكن هذا شي حلو ودليل انچ إن شاء الله بتقدرين ترفعين نسبتچ بشكل اكبر في الفصول اليايه 👍👏👏👏👏👏👏👏👏👏👏👏👏👏👏👏👏👏👏👏👏👏👏👏👏👏…

    مافي اي مشاكل حبيبتي يوم بيرجع لج اللاب وتكونين فاضيه ترجمي ولاتحسين بالضغط اهم شي دراستچ ❤❤

    بالتوفيق حبيبتي جنة ❤❤

    أعجبني

    • هيه صارت ضجة في تويتر والهاشتاق تم في الترند لفترة .. يالله حصل خير .. بالنسبة للدرجة مقارنة بغيري مانزلت كثير بصراحة زميلتي في الصف كانت جايبة 95 ونزلت لين 87 تخيلي على الاقل انا كنت 90 بس هي نزلت من 95 يعني حرام والله ،، كل سنة يدفعون الدفعات عشان ينجحون اعام لماضي سووا دور ثالث لطلاب ثاني عشر هالسنة يبون يرسبون الطلبة .. ان شاء الله انا احاول اشد حيلي على الاقل في التقويم عشان الامتحان ما يأثر وايد يعني اذا حصلت 95 او 06 هالفصل احتمال ما انزل عن الـ 90 في الشهادة بعد الامتحان .. شكرا شيخة حبيبتي الله يوفقج انتي بعد والله كلامج دوم يريحني احسني افضفض لج وايد ارتاح لتشجيعج .. اتمنى يرجع اللاب باسرع وقت ههه
      قاعدة ارد عليكم من السكول حالياً وبحاول اترجم لكم مقال او اثنين هههههه
      الله يحفظج بيبي ❤❤❤

      أعجبني

      • هذا شي حلو ماشاء الله عليچ … شدي حيلچ هالكورس وإن شاء الله بتيبين اعلى من اللي تبينه 💪❤

        حبيبتي العفو ولو ❤❤ استانس والله يوم حد يقول لي انه يرتاح لكلامي 😭😍❤
        ههههههههههههههه إن شاء الله بيرجع بأسرع وقت لا تحاتين
        هههههههههه تمام إن شاء الله
        ويحفظچ حبيبتي ❤❤❤🙈

        أعجبني

  3. هلا
    حبيبتي اخذي راحتج اهم الشي دراستك الله يوفقك
    لكن والله قتلتيني ضحك 😂😂😂
    عالعموم م تفكري كثييير فينا ركزي الحين في الدراسه ان شاء الله معدل فوق ٩٠ الله يسعدك

    أعجبني

    • ههههههههههههه ليش شو اللي يضحك اني اتحرطم واتذمر هههه يعني اللي يعاني مكاني بيسوي اخس المشكلة عندي دراما تشانيول مابقد اشوفها ولا اترجم اخبار وكنت اريد اشوف اولمبيات الايدولز بس لما أقرر أشوف شي يصير شي وينسحب لابي هههه شكرا بيبي آمين الله يسعدج ويحفظج

      أعجبني

بردودكم تسعدونا ^_^

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s